Score of a Lifetime

Hey everyone,

I wanted to share an extract from my third book that I'm currently writing. I should have the book finished soon. This novel will continue the story of Aldo, Edinburgh's criminal kingpin. This is just opening of a chapter but I hope people like it.  This chapter is told from the perspective of Mark, one of Aldo's enforcers.Thanks

.

‘’Who are you again?’’ he asks.

‘’You’re jokin, right?'' Tinkerbell says ''Ma name is Alan Beaumont’’ his voice explains at a whisper.

Aldo grins.

‘’That’s right, so you are. But ah furget. Why did ah want tae see yae again?’’

He looks knoacked fur six by the comment.

‘’Only messin, mate’’ Aldo says, fuckin wae him. ‘’But ah take it yur fully aware why you’re here, eh?’’

‘’I know things got a little out of hand with that girl the other night’’  mummy’s boay argues.

Aldo casually pours himself a large gless ae rid. Takin a lengthy drink before deliverin the cunt a death stare. .

‘’A little ootae hand? That’s what yae caw two broken eye sockets and a fractured skull, is it?’

Cocksucker the second is flounderin. He replies slowly ‘’She was only a prostitute, though. What’s the big deal?’’

In a fit ae rage, the boss grabs his fork, jammin it near the cunts eye, ‘’Listen up and listen fuckin gid. Ah’m no some back street pimp. Another daft remark like that, eh? and ah promise yae yul need a Golden Retriever tae navigate yursel aboot fur the rest ae yur miserable life’’.

Aldo rests his fork at the side ae his plate ‘’Ma girls work safe in the knowledge that they faw under ma protection…That wis until you and yur mates decided tae rewrite the rulebook. Surely a man wae your education kin appreciate ah cannae lit this go, eh?’’.

‘’I’ll pay you compensation’’ he says, promptly.  ‘’How does twenty-thousand-pounds sound?’’

Gaffer looks awey, seemingly unimpressed by the openin offer.

‘’Fine…Forty K?’’  the guy coonters, madly tuggin at the collar ae his shirt.

Aldo seems chuffed ‘’40K? Ken suttin? Ah hink that works. Bur before yae piss oaff, ah hae yin maire question fur yae. Yur da? He some kindae hotshot, is he?’’

‘’Something like that’’ he proudly blabs, standin tae his feet.

The chief gits up tae, ‘’Hud up a minute, will yae. Mean surely yur faithur musta taught yae that nae deal is signed oaff withoot a handshake?’’

Hinkin he’s sweet talked his wey tae live another day. He happily obliges by reachin his perfectly manicured hand acroass the table. Skip snatches it, slammin his mush intae the hing. Wae such force the table vibrates and shakes the silverware. Richie Rich hus been volleyed clean oaff his high horse.  

‘’Under fuckin stand this!’’  the boss roars intae his lug. ‘’Forty K might git you and daddy dearest centre court at Wimbledon. But here, aw it means is jack shit. Absolutely nuttin. You and yur boyfriends are finished. And you’s are each gonnae receive a timely reminder why it’s important tae treat the opposite sex wae the utmost respect’’.

Again, he slams his nut intae the table. This time puss first. His heid boonces oaff it and his beak splatters, leavin him tae faw oantae the flair. Blood squirts oot his nose, soakin the boattom half ae his puss

‘’You broke my nose! You broke ma bloody nose!’’ he whinges, huddin his trunk.

The gaffer stoops tae tear the cunt a new yin.

 ‘’Imagine what perr Kelly went through at the hands ae you and they soon tae be very sorry scumbags. Dinnae worry, though. The time ma lads are finished wae you’s yul be reborn again Christians’’.

Efter gien the ersewipe a bleak glimpse intae his future, Aldo eyebaws us. Which, naturally. Provides sweet music tae oor ears,

‘’Boays’’ he declares. ‘’Git this cretin oot ae ma sight. Dump him wae the rest ae the rubbish’’.

Maire than a little impatient, we jump up fae oor stools at the bar, flyin acroass tae scoop up this scumbag fae the groond. Ready tae make sure his last few hours alive are spent in agonisin pain. Cunts no sae flash anymaire, likes. Strugglin pathetically tae wriggle free. Pure fuckin comedy, tae be honest.

‘’Just hold on a second!’’ he hastily shouts oot. ‘’I have information you will want to hear’’.

Aldo spins aroond, in a sudden burst ae adrenaline. He runs up tae him, grabbin and squeezin his throat tighter and tighter.  ‘’This better be fuckin gid!. Or ah promise yae , oan ma granny’s grave , ah’ll take yur skin oaff in fuckin sheets’’

He releases his grip completely before the wumen beater passes oot. 

‘’A Columbian drug cartel has moved into the city’’ he says, still rubbin his windpipe. ‘’They’ve got a ton of cash and blow in a stash house in Dalkeith that they’re planning on moving this weekend’’.

‘’Bullshit!’’ Aldo screams right in his bloodied puss.

‘’I…I swear to God it’s true. My dad’s firm are handling all their business in the city.

‘’Awrite’’ he says. ‘’Ah’ll play along …Lit him go lads’’

Reluctantly, we allow this Alan prick tae slip through oor fingers. The chief walks back, retakin his seat.

‘’Sit the fuck doon’’ he commands.

Yince the fuckin insider is settled in; Aldo flings him a napkin.

‘’Clean up yur puss.’’

‘’Thanks’’ Alan says, grabbin it.

‘’Dinnae git sae choked up’’ Aldo snaps at him. ‘’Personally, ah wid lit yae bleed oot. But people need tae eat in this joint. Noo, what’s this info?’’

‘’Like I said my father has influence’’ he says, dabbin his shattered nose. ‘ He owns the biggest accountancy agency in the UK. The Ramirez Cartel are wanting a foothold in Edinburgh. I was in a meeting with them. They have two million in cash, and I suspect coke as well that’s being kept at that safe house. I can provide you with the address. But only if you let me walk, of course. It’s being moved this Sunday’’.

‘’I promise’’ he whimpers. ‘’Everything I said is true. Can I go now, please?’’

‘’Before yae crawl back under yur rock. Yur gonnae provide ma man Nate wae the details ae the stash hooses location. Efter that yur gonnae gie up the names and addresses ae yur mates who battered Kelly. This information might keep you yursel in yin piece. But that certainly doesn’t extend tae they’m. A few months in intensive care fur thum as a reminder tae keep their hands in their poackets. And yince that’s done yur gonnae tap intae yur trust fund and write a check ae fifty grand made oot tae a Miss Kelly Howie. Now, if any ae that’s gonnae be a problem? Then its time tae fuckin say?’’

‘’Nate’’ he says. ‘’Git this sack ae shit tae fuck. And, Markie?  ah need a quiet word, mate’’.

Nate hauls him oot ae the chair by his collar, draggin a rather lucky mut awey through tae the back.

Ah sit doon, waitin fur the main man tae reveal aw.

‘’Drink?’’ he asks, liftin the boattle up.

‘’Ah’m gid, mate’’ ah tell him. ‘’So, what dae yae wantae speak aboot?’’

‘’That story he fed us aboot this Cartel. Deh, yae hink it’s true?’’

‘’True?’’ ah echo. ‘’Pains me say it. But, aye. Ah do, actually. Those fuckin Albanian’s Paul’s runnin wae are tellin anyboady who’ll listen they’ve goat a direct line tae a Columbian Cartel. And git this? They’re supposedly based in Dalkeith’’.

‘’What’s nixt, eh? he thunders. ‘’Are the Camora gonnae rock up here? Nah, we need tae send a clear message. Yae step oan oor patch then there’s gonnae be fuckin hell tae pey’’

Ah lean forward.  ‘’What exactly yae goat in mind, likes?’’

‘’We need a third pairty tae case the place. Ken what ah’m sayin? Someboady wae nae direct links tae us. Any ideas?’’

Ah start rubbin ma chin in deep thoat ‘’ What aboot the Turks who ply their trade in Liberton? They still owe us fae their last consignment’’

‘’That’s the right idea, Markie’’ he smirks. ‘’Tell thum they dae this they’ve goat thumselves a fifty percent discount. But make sure they ken this needs  handled right awey. Ah jist want thum tae watch the buildin tae see who comes and goes. Also, speak tae Paul and git him tae soond oot the Albanians. We need tae ken how many guys work in there and what kindae hardware they’re packin. Shit like that, ken?’’.

‘’No a problem’’ ah say. ‘’But yince we huv the lay ae the land. What yae hinkin?’’

 ‘’We take doon a major piece ae their business’’ he cooly informs me. ‘’Ah want you tae lead the hing. Hand pick three or four guys fur the raid. Ah’ll figure oot a plan tae hit thum but we need tae wait fur the intel tae come through before we make oor move’’.